UNHA FOTO DE XERACIÓNS: “NAIS, AVOAS, FILL@S… O MESMO AMOR EN DISTINTAS ETAPAS DA VIDA”

BASES DA CAMPAÑA:

1.- Para conmemorar o Día da Nai, instalarase na Sala Multiusos do Concello un estudio para realizar sesións fotográficas.

2.- O horario será o sábado 2 de maio de 11 a 14h e de 16:30 a 20:30 horas.  

3.- O obxectivo é captar as mellores instantáneas de avoas, nais, fill@s, etc, que reflexen a esencia do Día da Nai.

4.- Cada participante poderá escoller e facerse con unha das súas fotos de xeito gratuíto entregando tíckets de compra dos negocios asociados por valor mínimo de 20€. A foto poderase escoller e recoller posteriormente a esas datas nas oficinas do CCHV.

Os tíckets son válidos dende o xoves 23 de abril ata o sábado 2 de maio.

5.- Tódalas fotos serán valoradas por un xurado e aquela que obteña mellor valoración será galardoada con 300€ en vales de compra.

6.- Os vales deberán consumirse antes do 30 de Maio de 2026.

7.- A foto gañadora darase a coñecer o martes 5 de Maio, mediante comunicación telefónica e posterior comunicado na prensa, web, App e Redes Sociais do CCHV.

8.- Tódolos participantes deberán cubrir unha ficha cós seus datos e unha autorización de cesión de imaxes.

9.- As imaxes poderán ser utilizadas pola Asociación de comerciantes Casco Histórico de Viveiro na súa web e redes sociais para facer publicidade da campaña.

10.- A mera participación na campaña supón a aceptación plena de tódalas bases, así como a cesión voluntaria dos seus datos para a participación na mesma.

11.- A organización reserva o dereito a modificar total ou parcialmente estas bases, así como de suspender a campaña sen incorrer en ningún tipo de responsabilidade.